بوقالات شهر سبتمبر ٢٠٢٢ ..
شهر جانفي :
مع الشمس الصبيحة عيني شافت لبعيد،فارس من الثنية مذنب نهار العيد طلبت ربي يحن عليا وحققلي حلمي المنفرد.
شهر فيفري :
شفت الزين بعيني واش يصبرني فوقه ابكيت على سنيني اللي فاتت بلابيه الحبيب اللي يبغيني ربي ليا يخليه.
شهر آذار :
دارنا علات وشمسنا ضوات والصبية اللي نحبها راهي جات وهي لالة الإناث
شهر أفريل :
روح يا الطير بلغ سلامي للزينة في اوراق التشينة قولها مازالك في الفؤاد ديما.
شهر ماي :
عيني في عين الحبيب وفمي حاشم انا تمنيت الحنة و معاه ان شاء الله ندير الخاتم.
شهر جوان :
كنت كي لوردة المدبالة جا حبيبي و غير الموقف ياخويا الحب راه كواني ودواه راه شفاني.
شهر جويلية :
يا ناس لملاح مدولي بنتكم و الا نطيح نموت..بنتنا شرطها غالي و مقامها عالي..مدوهالي و الا نشتكي بيكم لربي العالي.
شهر أوت :
في الدار حاوية مخبيء فيه الذهب و المرجان و روبة قطيفة قالولي ليمن راك مخبيها قلتلهم لهاديك مولاة الشان و المشية الظريفة.
شهر أيلول :
ديديو..ديدو..أنا سعدي مليح، قنديلي ضاوي، البنيان إلى بنيتو قع سجالى، بنياني فوق حجرة و لي يخصني يكملهولي العالي.
شهر أكتوبر :
الدالية دلات ..و دلّ العنقود، خلي القمر ينكشف، والسحاب يذوب، و خلي لالات النسا تكتسب المراد.
شهر نوفمبر :
جايز على باب دارنا، لابس تلمساني، قتلو يا شيخ بالاك تنساني، قالى والله ما ننساك، ونصيبك على ربي جاه و سلطاني.
شهر ديسمير:
أصلك أصلك و ما ينفع غير الصح مولاة النية الصافية فوق منها ربي يفتح أطول و لا تقصر يجيها السعد و الكسب.
بوقالات للبنات حسب شهر ميلادك
أصحاب الشهر 01
خرجت نهار يوم الجمعة، في يدى شمعة، قالولي أمسحى ذيك الدمعة، و انساي الخلعة، قريب يتلموا احبابك و صحابك و يفرحوا معاك الجماعة .
و حكمتكم : سرور الدنيا كأحلام النائم .
أصحاب الشهر02
حوم حوم يا حوام، حوم فوق السطح العالي، و قول لها يا لالة يا زينة لبنات و خدودها براقة، و عيونها غراقة، أصبحت كل القلوب ليها سباقة.
و حكمتكم : صداقة الجاهل عبء .
أصحاب الشهر03
يا شمس واش بيك ذابلة، إلا لابيك الزين راني نفكر فيك، و اذا بيك الزهر ربي ما يتخلي عليك .
و حكمتكم : طوبي لمن شغله عيبه عن خلل ونقائص الناس
أصحاب الشهر04
محبس منقوش، مربي على الفشوش، ما يحمل الهانا، أصبر يا خاطري حتى يفرج مولانا .
و حكمتكم : ظلم الواهن أفحش بغي
أصحاب الشهر05
قطعت اللحم بيدى و عملت بذور، و سمعت الخطاب بوذنى و عرفت من قالو، يا قايلين الكلام القبيح واش تربحوا، أنا طاوس في القصر و انتم خفاش النهار ما يضوالو.
و حكمتكم : الغفلة غرور.
أصحاب الشهر06
جزت على جنية، أفادت لي واش تحوسي يا ولية، قلت لها مانى نحوس لا على ملكية ولا على جاه، نحوس على من ضيعت قولي لي .
وحكمتكم : الفقه قوات مسلحة لا يهزم
أصحاب الشهر07
جايز على باب دارنا، لابس تلمساني، قتلو يا شيخ بالاك تنساني، قاللها والله ما ننساك، ونصيبك على ربي جاه و سلطاني.
وحكمتكم : القريب من قرب نفعه.
أصحاب الشهر08
امنت بالله، و الحلم بصيرة من لدى الله، حمامة بيضا جات ترفرف علي، معاها فرس تعطل بين يدي .
وحكمتكم: كرام الناس أسرعهم مودة.
أصحاب الشهر09
نبعث لكم دموعى في مشوار ازرق، و نبعث كلامي في برية تحرق، ما ننساكم يا ناسى بحق مكة و بلاطها لزرق.
وحكمتكم : سهل البيان قيد القلوب.
أصحاب الشهر10
سمعت قر الحمام في عمق السجنة، لا من سقاه الما ولا من طاه شعير، يا قمر ..الحمام يفهم و يحن، وتتعمر النافورة، ونعودوا لزمانا كيما كنا .
و حكمتكم : المشقة كلها في تأديب الجاهل .
أصحاب الشهر11
خرجت ليلة يوم الجمعة، في يدى شمعة، خرج لي ملاك حنين قالي : يا طفلة السحاب حاجتك راه مقضية، قلت ليه : يا سيدي طالت المدة، قالى : روحى لدارك تصيبيها قدامك .
و حكمتكم : النفس مولعة بحب الحثيث .
أصحاب الشهر12
دارنا في المنطقة الجبلية، مقابلة مكة، مفتاحها من ذهب، يوقد ما يطفي .
وحكمتكم : الوحدة خير من جليس السوء